Anto sirin, ey!
Say salitan Pangasinan
By Mel Jovellanos
SAY nanpilian ko’d paulo to’yan kolom et talora: “Anto tan, ey!”, “Anto Sirin, ey!” tan “Agui! Anto tan met . . . “. Ag labay na karaklan so salitan “antotan”. Aliwan marakep kuno so tanol ed layag. Lapud saya, say apilih, “Anto Sirin, Ey!” Komun onketket ed pan-labay na saray Pangasinenses ya parokyano’y Sunday Punch pian sayan kolom et andukey so panpbilay to.
Si matalonggaring ya kaaron Sonny Villafania, primeron ASNA “awardee” ed mundo’y anlongan (poetry) tan akapan galut lay pigaran libron anlong ed salita’y Pangasinan tan siak so sinemban man-salet-saletan ya mangipaway na kolom diad sayan palapagan.
Diarad ontumbok ya kolom isulat ko’ray nanbabangil ya nagagawa’d dalem na talba’y salita tayon Pangasinan (ortograpiya, “Balon Silew,” diksyonaryo, balon galut ya libliro ed salitan Pangasinan, turismo ed luyad, balbalikas, kansiyonan tan arom nira). Ipaamta’k met so saray awaran da, saray arte tayo lalolah ed tongtong tan laineng (musika), zarzuela tan sayawan. Anggano sinemba agtayo naupotan na isulat ya panliketan tan pan-amayoan yo.
Wala met iray mangibabaga ya say salitan Pangasinan et ompapatey lah kuno. Say sakey ya misyon ko et ipaamta ya atan ya pananisia et aliwan tuwa.
Kanian lanang yo sirin ya tombuken so ayan kolom. Diad gapo singa mas-mairap so manbasay salitan Pangasinan. Balet ta no naynay lah, mas mapeles tan mainomay lay panbasah.
Anggad onsublay ya simba sirin, MABILAY kayo’n amin!
Share your Comments or Reactions
Powered by Facebook Comments
