Anto sirin ey!
Agaylay bayag mo! Baliw ka lah!
Nen Mel V. Jovellanos
NEN imbeneg ya bulan kaiba ed inpamagalang na “Agew Na Dagupan” walay agawan “Labanan ed Bokabularyo”. Agawa itan ed Radio Program ya “Pinablin Tawir” diad Aksyon Radyo (1161) nen Sabado, June 16, 2012, alas siete anggad alas nueve na kabuasan.
Walay labin-apat a salitan Pangasinan ya inpamnta mi’d kalapagan insan da mapeles ya in-text ed Aksyon Radyo no antoy labay ton ibaga iraman ya labin -apat ya salita. Saray sankarakelan ya nalan suston ebat, analoy premyo (kuarta).
Saray bokabularyon labin-apat tan no antoy labay dan ibaga:
1. laineng – slow, sorrowful music
2. awaran-dili – autobiography
3. kuritan – literature
4. pasingayew – preface, prologue
5. uyayi – lullaby
6. dasel – dowry
7. dampol – dye
8. kawayangan – independence
9. oraka – camera
10. tolotol – funnel (embudo)
11. puteka – collateral
12. torkok – idiot, dumb, stupid
13. patinga – down payment, earnest money
14. duplos – grab, catch, capture
Walay samploran analo na tag-liman-lasus pesos. Aman ya labanan para Dagupeños labat nisengeg ed impan-selebrasyon na 65th anniversary na impanmaliw na Dagupan ya syudad.
Daydayewen mi sirin so amin ya analo.
Say onsublay ya labanan na bokabularyo lukas lah ed interon luyag na Pangasinan. Talaranan yo.
Say salitan Pangasinan et sakey ed saray sankarakepan ed interon talba. Balet ta manalwar itayon mangusar ed sarayan salitan Pangasinan ta ompano makapasnok iray Tagalog.
kiki – to tickle
titi – to fry (prito)
baliw – to cross (the street or river)
binulbol – rice porridge
bayag – slow
sira – fish or viand
wala – there is (opposite of the Tagalog’s “wala”)
Anto kasiy ibaga’y sakey Tagalog no ibelyaw mon’ “agalay bayag mo”. Odino: “Baliw ka lah!”
Say panangi-usar na salitan wala tan sira et agaylay karakel lay ag akapan talusan (makapalek tan andi)
Balet ta talagan untan so inararo tayon lengguahe o salitan Pangasinan. Anto Sirin, ey!
Share your Comments or Reactions
Powered by Facebook Comments
