Study nuclear power first
Ambrosio De Vera
26 Feb 2010
Re: Nuclear power plant
Agla makapakelaw no akin et inaprobaan na saray provincial leaders tayo so Nuclear power plant ed luyag tayo. Ontan so klase na manooley tayo manlapo ed National anga ed saray barangays. Tua kailangan tayo so resources na energia pian onaligwas so luyag tayo. Balet kailangan saray manooley so aralen dan maong met komon so epekto na kada desisyon ya gaween da. I don’t think there was a study of an energy alternatives before casting their vote for the Nuclear power plant.
Say Nuclear power plant kailangan to so dakel ya danom. Natan labat onkukulang tayo la na danom. Ta agtayo amtan tiponen tan simpitan so danom no mamauran. Kailangan met so lugar ya pangibantakan na basura ya manlapo ed Nuclear reactor. Aliwan singa basuran nayarin taynan mo ed gilig na karsada labat. Basuray Dagupan et karapkarap tayo la no iner so pangibantakan insan pa la ed nuclear waste.
Iyarom yo ed resolution ya no siopa so binmotoy “yes” kailangan man-ayam pati pamilya to, ya anga ed apo to ed poeg, ed loob na compound na Nuclear power plant.
Share your Comments or Reactions
Powered by Facebook Comments
