____________________________________________

(This space will be reserved for literary contributions from readers. The  PUNCH encourages readers to write and email to us their thoughts about their impressions and ideas about life in and outside of Pangasinan, whether social or economic or cultural. No politics, please. Thank you. – Publisher).
_________________________________________________

 

 Villanelle 6: Guisaugon, St. Bernard
(duknal ed abalaten na Leyte)
By Santiago B. Villafania

 

no onkioas la so inkapalsa
singa eya matakew ya onsabi
tan ontaynan ya anggapo’y oala

sarag ton sugate’y kamarerua
na anggan siopan makapanyari
no onkioas la so inkapalsa

ag ilaloan tan ag nibaga
ondalagus katupag to’y lasi
tan ontaynan ya anggapo¹y oala

yegyeg man o delap so nagaoa
natoor ya andi pasantabi
no onkioas la so inkapalsa

ibagat ma’y lua tan mablin dala
onlagnap ya andi panangasi
tan ontaynan ya anggapo’y oala

mangokum iya ed sakey igsa
boleg man nen Adan so naandi
no onkioas la so inkapalsa
tan ontaynan ya anggapo’y oala

 

Share your Comments or Reactions

comments

Powered by Facebook Comments