Pangasinan ed inagew-agew
Dawal
By Melchor E. Orpilla
DAWÁL – (pamasuri/adjective) matpel a linawa o biskeg na linawa; andi-kebiew a puso, ag maitatakot, ag kalakalan nataktakot. (Saray malis to/its inflection/conjugation) marawal, mangarawal, marárawal, sangkarawalan, sangkamarawalan
ALIMBAWA:
- Anggapu’y piparaan so dawal na saray atateng tayon simmungpa’d saray kakastila.
- Marawal iyan ogawan! Ag ton balut antakot so miponitian ed saray angkakabaleg nen say sikato!
- Diad mangarawal iran salangatan (salpukang labanan/armed encounter or conflict,) ag timmakot ira’y girilias ed impilaban da’d saray Hapon.
- Makapaliket na linawa so impanengneng to’n ma’y toon sangkarawalan ya gawa nen tinabuy to’y manal-alaulin ilog pian ilaban to ma’y nalelener ya bii!
- Agay lan sangkamarawalan tan ya linawam O Inaro, ya ag kan balut antakot ya ompatey pian naitdan ak na kawayangan!
Share your Comments or Reactions
Powered by Facebook Comments