Philippine PEN 2013 Conference

Nen Santiago Villafania

 

NAGAWA so tulagan na Philippine PEN ed saya’y arapen a Desiembri 3-4 (Tuesday-Wednesday) dia ed Marilen Gaerlan Conservatory-North Wing, De La Salle University, Manila.

Say tima ono pakdaar “Literature of Concord and Solidarity: The Writer as Peacemaker.” Keynote speaker si Jaime An Lim (sikara met so editor na Peace Mindanao anthology), no natuloy bilang say Jose Rizal Lecturer et si Dr. Jose Abueva tan si National Artist for Literature Bien Lumbera so mangiter Andres Bonifacio Lecture.

I-launch met na PEN dia ed nagawan Congress so diaran libro: PENS AS SWORDS: The José Rizal Lectures (editor: Jose Victor Torres) tan Peace Mindanao (editor: Jaime An Lim). No ama’y Teaching Manual na kuritan et naisambot dan igalut, wala’y anien a taloran libro.

*          *          *          *

Akapan-anlong ak ed Read Green Sing Green: Poetry for the Environment | Towards a Green Education in the Philippines and Asia Pacific, ya agawa nen 26 Oktobri 2013 (Sabado), 10:30am – 12nn dia ed Amphitheatre na De La Salle University, Manila.

Kaibak ya anganlong ira’y pigaran ikikinon ya umaanlong tan sumusulat a sikara di Genevieve Asenjo, Joey Baquiran, Genaro Gojo-Cruz, Mookie Katigbak Lacuestra, Nguyen Que Mai (Vietnam), Dinah Roma-Sianturi, Manolito Sulit, Ramon Sunico, Joaquin Sy, John Iremil Teodoro, Stuart Cooke (Australia) tan arum ni’ra.

Panpipilalekan kon wala met so natogiop met iran anlongan ono poetry readings dia ed Pangasinan. Pangiliing komun ed akateglep iran umaanlong. Wala’d kanonotan ko so sakey a poetry reading ed Urduja House odino dia ed Capitol. Maawaran no bilang natoor.

*          *          *          *

Naimbitaan ak met nen Oktobri 19 a mansalita nipaakar ed pakdaar a “Pluma ng Agimat at Kawit: Ang Panitikang Kabitenyo sa Kontemporaryong Panahon” dia ed Aguinaldo Shrine, Kawit, Cavite.

Binasak so research paper kon Poetics ng Agimat no iner imparungtal ko no anto koniksion na orasion tan anlong. Say tiuryak, saray orasion ya uusaren pian naayat ono nalagyat so bibii et anggapo so pandumaan to ed anlong na panangaro. Dia ed Pangasinan, “galing” so tawag tayo ed agimat ono anting-anting. Say orasion et sakey a porma na anlong a tatawagen ya acrostic palindrome.

Salaya tan aristos!

Back to Homepage

Share your Comments or Reactions

comments

Powered by Facebook Comments