Aristos

Panalagar: Duaran Anlong

S. Villafania

Nen Santiago Villafania

 

Panalagar

 

pinabli iner so kawalaan

nen saray matak et malangwer ni

tan say puso et agni abogbog

na malurey iran panangaro?

 

wala’d kaumaan na anganko

tangay-tangay ed saray bitewen

kekerewe’y isabi na sakey

a pinalsan insipan na kugip

 

no dia’d kanonotan mo et wala

so nayarin pawilen ya agew

pawil ka inaro tan anap mo

agla kapigan narumog mo ak

 

ed saray agew a panalagar

agmo ak labat la naimano

 

 

Panalagar

 

nen Melchor Espeleta Orpilla

 

Mantiktik so rilon mangibaga’y igsa

Singa pa ikongkong to’d siak so bayag ko

Lan ameneng ed arap na laptop kon ya

Ya manalagar ed isabim dayong ko…

 

Mandaldalagorug so karul ed sagur

Ya ag napepeta’y insolung ko’n headset

Ta manpuspusapos so pusok kalamur

Ya lukasan ko’y email kon taruk to’y wisit…

 

Akin tan masagapsap kan pabulon ah

Singa tsa’n abuyak ed nansupotan to

Mabayag kan bikleren, et kaapigan ta’n

ontonda’y tayaketek ayan masungdo?

 

No ontakilingak la balet ed liwang

Natalusan ta ka igsan manmantini

Ta no onsabi ka siopa’y mogmon lamang

So mamaat ed liket ko ‘ra tan singi?

 

Balap, ikosmeng kon manalagar lanti

Daiset labat la, wadtan ka lan pirmi…

 

Salaya tan aristos!

Back to Homepage

Related Posts

  • AristosDecember 16, 2013AristosDuaran Anlong Nen Santiago Villafania   Sonito Alma   Anlongan taka singa no say musiak Pitamitam bibil mon amulaklak Bang komun ondapon singa […]
  • AristosApril 29, 2013AristosOrtograpiya tan arum ni’ra Nen Santiago Villafania   ARAP-ARAPEN la’y Hunio lamet tan ed saya’y iloob da’ra’y ogugaw ed iskwuilaan ono awiran, usaren la ima’y tatawagen a […]
  • AristosAugust 5, 2013AristosPiaet ed Kuritan Nen Santiago Villafania     BURAREG a tuldek so Pangasinan ed malayug a kuritan na Filipinas angga ni’d natan. Naemel so musia da’ra’y kuan ya […]
  • AristosMay 11, 2014AristosDalatdat o tonton na salita Nen Santiago Villafania   NAN-EMAIL ed siak so sakey a maistra tan tetepeten da no anto sa sentence ed salitan Pangasinan. Dia ed diksionario nen […]
  • AristosJanuary 26, 2015AristosLiturhiyan Pangasinan Nen Santiago Villafania    BALEG a tepel tan tepet no akin et anggapo'y salitan Pangasinan ed Liturhiya dia'd Misa na Santo Papa diman ed Quirino […]