Aristos
Anlong para ed Pangasinan
Nen Santiago Villafania
SAY binasak ya anlong para ed Pangasinan nen labi na Asna Awards nen Abril, 5, 2013 dia ed Sison Auditorium, Lingayen.
Pangasinan
dia ed nipangaw a dapag a bansa na pusok
anggapo’y maanlong a bosis ono Catullus
ono kumasamplon musian onkalab ed Parnasu
kanian inagbibit ko iya’y onoonan liknaan
pian nipintak na salita tan kolor so pamawi
ed ampasiseng a panaon na Caboloan –
saray awaran tan uliran iran inkorit
ed aninagan ya bolobolong na impakalingwan
angga’d itatken kon imbeneg la’d lingwan
say kanonotan dapul la’d panaanap
na bawig ed bukig a sinummingan
tan say dakep na ag ni-Babel kon dila
onsabi so panaon ompano nanonotan da ak
ed Parthenon iran ipaalagey ko para’d anlong
* * * *
here in the captive country of my heart
there is no bardic voice or Catullus
or a tenth muse to climb its Parnassus
and so i carry this primal passion
to paint with words and colours to reclaim
the emerald days of Caboloan –
its histories and legends written on
the translucent pages of oblivion
till i fall with years haply forgotten
my memory grey with uncovering
the fulcrum of my orient beginning
and the beauty of my unBabeled tongue
in time perhaps they will remember me
in Parthenons i will build for poesie
Salaya tan aristos!
Share your Comments or Reactions
Powered by Facebook Comments