maASNA tan Balangon na Pangasinan

Nen Santiago Villafania

 

Congratulations ed saray ASNA tan Balitok awardees tayo ed saya’y koma-433n Agew na Pangasinan! Saray maASNAn Romeo C. Mananquil (Visual Arts), Dr. Josephine Arquillano (Fisheries Education), Brig. Gen, Antonio L. Tamayo (Education and Culture); saray ASNA-Balitok Dr. Florangel Rosario Braid (Journalism and Development Communication), tan Sr. Mary John Mananzan, OSB (Women Studies and Feminist Activism).

Say malayug tan maluyag kon pangirayew ed sikayon Asin a mabli na Pangasinan, Silew ed Bilonget, Nabang tan yaman ed kaluyagan, tan Antabay na kalangweran!

*          *          *          *

Manlapu ed saray kaibak iran hurado a sikara di Al Mendoza, Sergio Buladilla, tan Atty. Ferdinand Quintos, say masimoon min pangikinon ed sikayoran analo ed 2nd Kurit Panlunggaring.

Poetry (Adult Division): Jahwela Querimit Ocay, Alma A. Nepascua, Mark Anthony B. Austria; Poetry (Youth Division): Kim John Santillan, Kristine Dawn B. Dudang, Ma. Angela L. Rosal; Essay (Youth Division): Angela Kate Estrada, Denson D. Padlan, Jayson D. Bustamante; Short Story (Adult Division): Harvie C. Aquino, Lanie M. Tomas, tan Alex Romeo R. Fernandez.

Inyawat so kanepegan dan premio nen agawa so Commemorative Program ed saya’y Agew na Pangasinan nen April 5, 2013 dia ed Capitol Grounds na Lingayen.

Magnayon kayo lawas a manangitandoro na salita tan kuritan a Pangasinan.

 

*          *          *          *

Labay kon ebatan met dia so ey-ey nen Prescillano Bermudez no iner impalapag da ed Facebook ya say ASNA et para labat ed saray sumusulat tan umaanlong a Pangasinan tan singa nipireg iran Pangasinan Ilocano writers.

Andi, kaluyagan, say ASNA et para ed saray nepag a makala ed saya. Aliwa labat a para ed saray umaanlong. Tan agkayo ombabarung no sama’y Kurit Panlungaring et para labat ed saray sumusulat ed salitan Pangasinan. Andibali ta wala met so GUMIL yo tan Bannawag.

Anggaman ontan, no bilang natogiop la’y pirawrawat kon Pangasinan PEN, imbitaan kon mibiang tan mimiembro anggano say uusaren dan salita et Tagalog, Ilocano, Binobolinao, Chinese odino Arabic daput no wala’y pasen na Pangasinan ed laem na kapusoan da.

Salaya tan aristos!

Back to Homepage

Share your Comments or Reactions

comments

Powered by Facebook Comments