ASNA tan Kurit Panlunggaring / Awiran

Nen Santiago Villafania

PAIMANO: angga’d Marso 4, 2013 so samput a pangisumiti na nominasion para ed ASNA. Say panuntunan tan nomination form et nayarin i-download ed www.pangasinantourism.com. Para ed arum ni’ran tepet ono gabay yon kabaten tan say pangipawit na nominasion, mitalusan kayo ed Provincial Tourism Office, ASNA Awards Secretariat dia’d (075) 542-6853 ono email yo ira ed tourismpangasinan@yahoo.com

I-download so ASNA 2013 briefer tan nomination forms ed

http://www.pangasinantourism.com/index.php/2013-asna-awards/

No Abril 5, 2013 no kapigan koma-433n Agew na Pangasinan so pamirbir tan pangiter na gamor ya ASNA ed saray matalunggaring ya ilalak na Pangasinan.

* * * *

Lukas met la so 2^nd Kurit Panlunggaring say alenleneg tan sankaunaan a paliagan na anlong, salaysay, tan antikey a tongtong ed salitan Pangasinan. Say pakdaar na salaysay para ed wala’d kalangweran et “Ikinon Ko’y Baley a Sinulmingan.”

Ipawit yo’y entry yo’d say Secretariat, Pangasinan Tourism Office, 1st Floor Malong Building, Capitol Complex, Lingayen, Pangasinan a walaa’y numiron (075) 542-8007 ono 542-6853.

No Marso 14 so samput ya agew a pangawat na isali yo ed paliagan na anlong, salaysay, tan tongtong. Nabasa dia ay so panuntunan na paliagan − http://www.pangasinantourism.com/index.php/kurit-panlunggaring-2013/

* * * *

Kumaduan taon met la na Kurit Awiran – sakey a creative writing workshop para komun ed saray malangwer ni ono balon umaanlong tan sumusulat. Bangta anggapo ni’y kasiguradoan no natoloy iya. Salien ko’y onkerew la na grant ed National Commission on Literary Arts (NCLA) agla pigan makala na pundo no ontumbok iran taon.

No ag bilang natoloy et wala ima’y 4^th Cordillera Creative Writing Workshop.

* * * *

Akabat ko’y kaluyagan tin si Jacqueline Aquino Siapno, tobun Dagupan tan sakey a visiting professor natan ed Center for Southeast Asian Studies – Kyoto University. Maliket ak ta baleg so pililikna da ed litiraturan Pangasinan.

Daakan a salamat, Madam Joy. Naaawat ko la’y imapawit yon PDF a sipi na “The Filipino Houseboy” nen Carlos Bulosan, “Dangon Pangasinan” a tinipon nen Josefina C. Castro, tan “Nami-Ko” nen Maria Magsano.

* * * *

Say masimoon ko met a pisasalamat ed si Gov. Amado T. Espino ta pinarlangan yo so makuykuyep lan pitamitam ko ed Pangasinan bilang sakey a nidumaduman tawir tan kultura. Panpilpilalekan kon magnap a natoor so rinasimiento na salita tan kuritan ono litiratura tayo− say ‘anima’ tan ‘adytum’ na malayug tin luyag.

Salaya tan Aristos!

Back to Homepage

Share your Comments or Reactions

comments

Powered by Facebook Comments