Aristos
Padunungan
Nen Santiago Villafania
WALA so nagawan Padunungan dia ed Dagupan City People’s Astrodome no Oktobri 25-26, 2012. Tinaon a kimey iya na UP Subol Society para ed saray kaluyagan tin manaaral ed elementary tan high school.
Kinmerew na pangiaboloy ko si Margarita Rosario, sakey ed saray kabiangan na UP Subol, pian nausar da so anlong kon ‘Balitok na Tolong o Santa Barbara’ para ed 3rd Poem Recital Contest no unaan ya agew na padunungan. Wala met so On-the-Spot Pangasinan Essay Writing no komaduan agew para ed saray manaaral ed high school.
Para ed sikayon mangitatanggoyor na UP Subol Society, magnayon kayo lawas ed pursigi yon pangaantabay ed saray wala ni ed kalangweren pian agda nalingwanan so dili salitan tan silalon ombulaslas tan onyabong so kuritan a Pangasinan!
* * * *
Say masimoon kon pisasalamat ed saray kaluyagan tayo ed biek-taew ya angaliw na librok a Malagilion: Sonnets tan Villanelles, tan Bonsaic Verses dia ed Amazon.com. Ontan met ed saray angaliw na librok a Pinabli & Other Poems.
Dakel ni so nasaliw agagi! Ikinon tayo so dili tayon kuritan J
* * * *
Sakey a tanka:
nepnep―
matalag manpanengneng
so genggeng-bulan
terter na linaew so
mabetbet manpalinat
Salaya tan aristos!
Share your Comments or Reactions
Powered by Facebook Comments