Aristos

Pinoy Poets’ Circle Poetry Reading ed Pasig

Nen Santiago Villafania

AGAWA so sankaunaan ya anlongan odino poetry reading na Pinoy Poets’ Circle (sakey ya ulupan na umaanlong, sumusulat, pintor tan arum ni’ran artists ya atogiop ed facebook) nen koma-14 na Hulio dia ed Runners’ Burger Chill & Grill dia’d Brgy. Kapitolyo, Pasig City. Indawat da’yan anlongan nen Joanna Allas tan Danny Castillones Sillada.

A fun evening of wine, poetry, music, and skype ya kuan ta akibiang ira’y ikikinon iran umaanlong tan sumusulat a sikara di Gemino Abad, Krip Yuson, Luigi Francia, Marne Kilates, Arnold Molina Azurin, Lila Shahani, Alma Anonas-Carpio, Ramón Sunico, Nonilon Queano, Dakila Cutab, Joel Pablo Salud, Joel M. Toledo, Dino Manrique, J. Neil Garcia, Heber Bartolome, Mac McCarty, Benjamin Muego, Amang Reyes, Anne Carly Abad, Johanna Carissa Fernandez, Alan Rivera, Richard Gappi, Santíago Víllafanía, Ruby Basilan-Varona, tan arum ni’ra.

Maawaran iyan anlongan ta akapananlong ira di Ms. Luisa A. Igloria, Albert B. Casuga tan Felix Fojas ed panamegley na skype! Cyber-poetry reading!

Say pilalek kon abayag la: natoor met komun so pitamitam kon anlongan ono poetry reading dia ed Urduja House ono dia’d Provincial Capitol. Anto kasi?! Onkakapoy amo ira’y umaanlong na Pangasinan, awa?

*      *      *      *

Wala manaya so nagawan ‘kurit awiran’ odino creative writing workshop ed Lingayen no Hulio 27-28, 2012. Saray ununan onsali ed sayan awiran et say amin ya akipaliagan ed ‘Kurit Panlunggaring’ nen imbeneg ya Abril.

Anggaman ontan, nayarin man-imaton ira’y mamaistra, bumabangat tan manaaral na kuritan o litiratura. Pialagar yo pa labat la so ipaway a press release nen Madam Malu Elduayan na Pangasinan Tourism Office.

No bilang marakep so pansumpalan tonian awiran, onkerew so too na pundo tan sponsorship pian tinaon lan gawaen. 

*      *      *      * 

Lamet, para ed saray kaluyagan ya wala ed biek-taew, ipaparungtal ko’y komapat ya librok a wala’y titulon Bonsaic Verses, koliksion na haiku, senryu, tanka, haiga, tan arum ni’ran antikey ya anlong ed salitan English tan Pangasinan.

Na-order yo la iyan libro ed Amazon.com (US / Europe).

http://www.amazon.com/Bonsaic-Verses-Santiago-B-Villafania/dp/1463761023/

Salaya tan Aristos!

Back to Homepage

 

Related Posts

  • AristosDecember 2, 2013AristosGamor tan Pamirbir Nen Santiago Villafania   SAY masimoon kon pisasalamat ed saray international jury na Axplepin Publishing ya indaulo nen Alicia Bernal ed impanpili tan […]
  • AristosNovember 17, 2014AristosWorld Festival of Poetry | 2015 Poetic Sanctuaries - Pangasinan Nen Santiago Villafania   ANGGAMAN masaksakbay ni, malikeliket ko lan ibelyaw so pibiang na luyag ed World […]
  • AristosSeptember 22, 2013AristosKansion a Pangasinan Nen Santiago Villafania   LIKUD ed ngalngali ono dawitdawit lan inkabalang na litiratura ed luyag, say sakey natan a nepeg a pantoonan na imano et say […]
  • AristosDecember 23, 2012AristosSintro na Awiran na Pangasinan Nen Santiago Villafania TAON 2001 ni nen insugirik ed Jaime P. Lucas aman, pangolon-angiletneg na Ulupan, iyan pilalek tan pitamitam kon […]
  • AristosApril 15, 2013AristosAnlong para ed Pangasinan Nen Santiago Villafania   SAY binasak ya anlong para ed Pangasinan nen labi na Asna Awards nen Abril, 5, 2013 dia ed Sison Auditorium, […]